Pitik Sa Musika

ANG PAGHIBALIK SA ADLAW DIIN NAGSUGOD ANG DUHA KA DJ SA STREET LEVEL RADIO

Sa kadako sa kalibutan ug sa kadaghan nakong plano sa kinabuhi, wala sa akoang plano nga mahimo kong DJ ug gamiton sa Ginoo alang sa iyahang kahimayaan. Lisod buhaton ang usa ka butang kung sa kinaunhan pa lang wala kay interest sa rason nga wala kay alamag o kaalam ug unsa’y pamaagi sa usa kabutang. Wala ko magdahom nga ibutang ko sa Ginoo sa usa ka sitwasyon nga wala ko’y kaalam o alamag pero God never fail to amaze me sa mga butang nga pwede nakong mabuhat in an unexpected way. Wala himoang babag sa Ginoo ang akoang mga pagduha-duha ug ang akoang pagkamangmang sa estasyon.

From time-to-time nakat-on ko sa mga pamaagi unsaon paghimo ug pagtrabaho ang mamembro sa usa ka radio team. Sa akoang naexperience; dili nako ikalimod kung unsa ka interesado ang magtrabaho sa radyo. Naa ko sa teaching clips na butang which is mapaminaw ninyo sa SLR taga adlaw nga kanunay magparemind sa atong day-to-day life. Diri nato ni siya mapaminaw ang mga mensahe nga naghatag ug comfort, pagbadlong, ug pagpahinumdom nga inubanan sa gugma sa Ginoo.

I highly recommend listening to our station dili tungod kay DJ ko dinhing dapita; kundili tungod kay ang main goal namo kay mao ang epaambit ang dakong gugma sa Ginoo sa atoa nga wala kaayo nato ginahatagan ug bili. Nahulma ning SLR ug nagkahiusa mi tungod sa dakong gugma ug grasya sa Ginoo sa atoa.

Ug ikaw ang tipo nga taw nga hilig ug mga Christian music ug OPM songs, para kaayo ni sa imoha, higala! Dili ka magmahay o mausik imohang oras sa pagpaminaw sa mga musika kundili makapaabli usab ni sa atoang hunahuna nga maong rason nga momature ta sa in many ways.

Kini si DJ Ruby nga naghatag kanimo labing kaayo nga kalipay sa pagpamati sa among estasyon sa radyo!

Ang akong nakaganahan sa kini nga estasyon kay dili lang basta kanta akong mapaminaw, kundi makapaminaw ko ug mga nagkadaiyang Christian songs and biblical teachings.

Hi, ako si DJ Tin! Usa ko sa mga DJ sa SLR nga usa ka online na radio station na pwede ka makapaminaw anytime and anywhere, 24/7. Maminaw ko kasagaran sa estasyon hinlabi na kung magbinuntagay ko ug buhat sa akong mga schoolworks or naa koy trabahuon ug sa panahon nga ganahan ko mahatagan ug kalinaw sa panghunahuna.

Ang akong nakaganahan sa kini nga estasyon kay dili lang basta kanta akong mapaminaw, kundi makapaminaw ko ug mga nagkadaiyang Christian songs and biblical teachings. Samtang nagbuhat ko sa akong trabaho, nakapaminaw ko sa pulong sa Ginoo ug naghatag kini ug pagdasig sa akong getrabaho. Ug dili lang pud kana. Kung ikaw hilig maminaw ug OPM songs mahimong makapaminaw ka sa mga labing bag-o ug paboritong mga kanta sa pinoy. Knowing mga pinoy, mahilig mag jamming-jamming.

Ang Street Level Radio, nahimong instrumento nga makauban natoh sa inadlaw-adlaw nga paghinumdom sa Ginoo ug paghimaya sa Iyaha. Nahatagan pud ko ug higayon na maka-alagad ug makabahin sa gihatag nga talento sa Ginoo, sa pamaaging pagboluntaryo mag DJ sa estasyon. Nahimutang ko sa production team, ako ang usa sa likod sa mga tags, greetings ug uban pa na madunggan sa estasyon. Nakatabang pud kini sa akoang pagpausbaw sa gihatag na talento sa Ginoo ug nakahatag ug kompyansa sa akoa to reach out to other people.

Sama sa geingon ni DJ Ruby, dili ka magmahay ug dili mausik imong oras sa pagpaminaw sa Street Level Radio. Ablihi inyong mga telepono or computer, idownload ang Street Level Radio Android app or adto mo sa streetlevelradio.com… itugot ang nindot na huni sa pagtugtog!