Litrato sa Kagahapon
Sa paghapak sa hangin nga bugnaw ug pagkangiub sa langit
Nahinumdum ako sa mga panahon kung diin wala pa kita’y panimout
Ang paghilak sa mga panganod ang nagdala sa atong kusug nga shagit
Sa panahon kung diin nabati nato ang kalipay, dili babag ang balay nga hout
Nahinumdum pa ba ka, ni adtong mga orasa?
Ang mga oras nga wala pata’y gibati nga kasikas sa kalibutan,
Ug wala pa nato damha ang mga personal nga problema
Kay ang pag lingaw sa matag-usa dili pa lumba nga ang usa dili gusto maunhan,
Ang dag-um ang timailhan sa usa kabata sa pagligo,
Naghangad sa langit ug naghuwat kanus-a kini niya ibundak iyang kahiubus sa kalibutan
Andam na sa paghaw- as sa kainit sa adlaw ug andam na mo bubu,
Sa dag-um nga dugay ng gipaabut kung kanus a kini masugdan
Bundak uwan! Shagit sa mga batang walay saplot
Nagbasa-basa sa tunga sa kadalanan, ug nagdagan-dagan sa kalipay nga nabati
Dili hikaw ang kilat ug makabungul nga dugdug sa kalipay nga sa kabukugan ni dulot
Dili kabayran ug sapi ang tagubtub sa dughang nasinati,
Nakahinumdum pa ba ka ni adtong panahona?
Ang baho sa kape nga manglabaw sa hangin
Ang taghuy sa takuri nga naghunghung sa kusina
Ang mga storya sa gugma nga nahimo ug mga pangandoy nga puru pamasin,
Sa pagtuang sa uwan ni saka ang hari sa kainit,
Ni dam-ag ang kahayag sa mata sa mga hamos nga panagway
Ug nawala ang kabugnaw sa kabukugan ug panit,
Nahilum ang tanan, ug nangapagaw gumikan sa pagshagit.
Ulan, ang panahun kung diin ni tago ang adlaw luyu sa panganod
Panahun nga hinay ang dagan sa oras ug paspas ang panghitabu,
Kung diin nabati ang pahiyum sa kasing-kasing ug imahinasyun nga naglutaw ibabaw sa panganod,
Unta mausban pa ug mobalik pa kining panahuna kung diin wala pa nato mailhi ang kahiubus ug kasubu
Ug sa kinatapusang higayun,
Bundak uwan! Shagit sa mga batang walay saplot
Nagbasa-basa sa tunga sa kadalanan, ug nagdagan-dagan sa kalipay nga nabati
Dili hikaw ang kilat ug makabungul nga dugdug sa kalipay nga sa kabukugan ni dulot
Dili kabayran ug sapi ang tagubtub sa dughang nasinati.